Opera : Paradiso

Opera: Paradiso es la nom de un novela ce me scrive en la lingua Francanova. El es posable ce me novela va es la prima novela orijinal en Francanova (!).

Me vole scrive lo per du razonas. Prima, me es libromanica ce ama scrive libros de imajina e du, car esta lingua es nova, es importante fa lo vive. Crea leteratur es bon metodo ance crea un cultur. Me vole ce Francanova vive, donce me contribui me brice peti a la construida.

La Narada
Es 1942, pos un batalia asustante seguente de un tempeste grande , la sumarina american USS Oso de Pex es perdeda alga loca en la Pasifica. La barcon es multe danada, ma descovre un isola nonabita--o evidente. La ecipo aora debe aprende como supravive, defende se contra tribus enemi, e evita la japanes, supra toto!

Evidente, esta no es la leteratur alta. Ma el va es un narada clar, coerente e posable divertinte. Me va pone un capitol estrae sur esta blog durante estate.

*Vos pote vide un de me novelas en engles asi.

Los Ia Pasea sur la Luna !

Ia es ante cuatrodes anios ce du americans ia vade a la Luna. Multe bon eselente! Me ia ave des-tre anios, ma me recorda lo vera bon. Me ia oserva a television la avena en tempo real.

Sin duta, el es la avena la plu grande de tota tempo umana.

"Esta es un paso peti per un om, un salta jigante per umania."

Rasa Se Antica

Rasa se pote es un vera plase, e no cara. Como es el posable? Nos ave aora multe sistemes de rasa: automatica, rasadores plastica, rasadores ce vibra, rasadores de usa unica, rasadores con multe lamas, etc. Vermente, on no nesesa otra sistemes. Si tu es felis con tal sistemes, esta es vera. Totavia, si tu no plu gusta rasa tu, esiste otra sistemes de rasa capas e no cara.

Debe reveni a la pasada per trova la simplia e frugalia. A la fini de la sentenio des-nove , senior Gillette ia inventa un rasador de "securia". No ia plu nesesas punti esta lamas. Pos alga usas, on simple ia lansa los en la refusada. Esta sistem ia es simple, barata e ia es multe min risca per la fas. El tan bon ia funsiona ce esta sistem ia dura asta la anios 1970.

A acel epoca, un miracle ia pasa: la rasador con du lamas ia es naseda! Ma es ce ia es esta un vera progresa? Me dise ce no! Aora nos ave tro de rasa-sistemes. Los contamina nos ambiente con se plastica. E los es multe tro cara. Esta sistemes no es comforta. Nos pel sufri per esta raspa con multe lamas.

La solve es la usa de rasadores antica. On pote ancora compra los, nova e usada sur e-bay o en botecas. Cada matina me usa un rasador fada en 1954. On ta dise ce el es nova. El es forte e funsiona perfeta. La rasador me corti la barba multe comforta e eselente. Plu, cada lama costa sola 0.10$. Un cualia superior costa 0.15 - 0.20$. Me ance ave ses rasadores , incluinte du novas. Car los es multe durante, esta rasoras va funsiona me tota vive. Pos plu de tres anios de usa de vera rasadores, los multe plase a me. Me recomenda los a cada un.

Corta filmas sur tecnicas de rasa

Franka: La Bomba Nederlandes

Como me ta vive tan anios sin conosente Franka? Orijinal, se aventuras ia es scriveda en la lingua nederlandes. Ma a causa de un traduo en Lingua Franca Nova, me aora conose esta bela creada.

Ma ci es Franka, e per ce cada om debe conose el? A radis, Franka es un detetor privada ci ave interesa grande a arceolojia. El es a alga grado como Indiana Jones, ma el ia es naseda ante Mr. Jones.

Ce? Un otra aventuror? Si, ma el no es como otras! Prima, el es un fem. Du, el es un bomba! Donce, an si la naras es pica familial, los es multe interesante a causa de Franka se mesma. Per esemplo, vide el durante se naras: se vestes (o sin) e se aventuras supradramos e fisical, los es la sola razonas conose Franka. Esta no es leteratur classica. Ba! Esta es Franka!

El Parla--Aida!

Me computador--el parla! Vera. Como tu e me. Voses natural. . . o sirca. Ma como es posable? Bonveni a la sentenio dudes-un.

La voses eletronica ia fa multe progresa pos la epoca 1980. Estas dias tal voses es sirca perfeta, no como la famosa Max Headroom.

Per usa voses artifisial, me ave TextAloud. La programa ja ave alga voses sin paia, ma los cualia es min umanin como otra voses no sin paia. Me compra la voses seguente: Mike e Crystal (engles sua) e Paolo (italian). Esta voses es usada per e-posta, escuta articles sur la rede, libros en la doman publica e aprende linguas. Plu, Paola aide me con italian e LFN. Se pronunsia de LFN no es perfeta, ma el parla multe bon.

Programas de testo a parla bon funsiona, no es cara e los es multe joia. Donce. . .catura la onda!

Tu vole un dito de pede?

La Grande Lebowski es un de filmas la plu jenio de tota tempo. Per ce? El es ambos un comedia e un filosofia vera.

La filma es un satira sur la sosia moderna. Prima, la Dude (o 'el Duderino') vive estra la sosia normal. El no labora, el no ave fem, el no ave enfantes. Ma el ave un ami, Walter. Se ami es poca strana. Un veteran de la gera de Vietnam con problemes psicolojial varios. Esemplo, el ave multe coleria si on viole la regulas de la jua de bastones. Ma el es un bon gardacorpo per la Dude. La filma ance ave multe testos eselente e la caraters ce dise los multe bon.

A fini, Lebowski es un filosofia. El es esta: labora tan poca como posable e fa ce on vole. El ia deveni me filosfia. El sufisi como filosofia. Esemplo, la Dude es multe calma. El no labora. Se sola focos es la jua, gida se auto e la resonias de LSD a poca veses. Ma cada un pote vive esta filosofia como on vole.

Per me, la labora es la min. Me es cuasi en retira. Cuando me no labora, me jua la piano, leje, aprende linguas e core. Felis, me no ave la resonias de LSD.

La Planeta Roja

A esta momente, ses omes abita en tubos metal en Rusia. Los es ala durante plu de 2 mensas e los va resta asta 105 dias.

Es ce los es demente? Los es eremitas relijios? (car sin femes!) O los evade posable de la om-impostas?

No a tota. Los partisipa en grande esperimente per la Ajenteria Spasial Europan. La ses esplorores vive en isoli total (estra lias eletronica, computadores, sensadores medical, etc) per intende de prepare la prima viaja par omes a la planeta Marte, ancora multe anios en la futur. Car la viaja a Marte va prende ses mensas de dirije unica, esta esperimente de isoli ta pote trova si un tal viaja es posable.

La diario de ESA Mars500

Ce es Lingua Franca Nova?

Lingua Franca Nova es un lingua desiniada per aida la comunica internasional inter individuas, organizas e paises per tota comunica inter persones ci parla linguas diferente. Como un lingua creol, Lingua Franca Nova es pratical e multe amable. Asi es la puntos prinsipal :

1. El ave un numero limitada de fonemes. El sona simila a italian o espaniol.
2. El es scriveda como el sona. No enfante deve pasa multe anios studia nonregulas!
3. El ave un gramatica vera simple e regula. El es tan min complicada en esta caso como engles o indonesian.
4. El ave un grupo limitada e tota regula de afises produinte per crea parolas nova.
5. El ave regulas de la ordina de parolas bon definida, como multe linguas major.
6. El ave un lista de parolas vera fundada en la linguas roman moderne. Esta linguas es comun e influensente, e ia contribui la parte major de parolas engles.
7. El es desiniada per es asetante natural de parolas tecnical de latina e elenica, la "norma de mundo" per fato.
8. El es desiniada per apere plu parte "natural" per los ci comprende la linguas roman, ma no min fasil per otras.

Bon parla!